स्वातंत्र्यपूर्व काळात देशभर स्वातंत्र्य चळवळींचे वारे जोरदारपणे वाहत होते. फाळणीनंतरच्या जातीय दंग्यांच्या काळात हिंदू-मुसलमानांचा परस्परांवरील विश्वास उडाला होता. अशा असुरक्षिततेच्या वातावरणात दादर विभागातील काही तरुणांनी एकत्र येऊन दादर नागरिक दलाची स्थापना केली आणि गस्त, पहारे सुरू केले. यातूनच हुतूतू प्रेमी राजा शेट्ये आणि नारायण पडते यांची व प्रकाशभाईंची ओळख झाली. गस्त आणि पहा-यांच्या निमित्ताने हुतूतूचे सामने भरवण्यापासून सुरू झालेल्या कार्यातून मग चर्चासत्रे व व्याख्यानमाला आयोजित करण्याची कल्पना पुढे आली. या अनुषंगाने बॉम्बे टाईपरायटींग इन्स्टिट्यूटमध्ये सर्व उत्साही कार्यकर्त्यांची सभा झाली. प्रकाशभाई मोहाडीकरांनी ‘अमर हिंद मंडळा’ची घटना, नियम यांचा आराखडा आपल्या सहका-यांसमोर मांडला. तो एकमताने मंजूर झाला आणि  २६ जानेवारी १९४७ रोजी ‘अमर हिंद मंडळा’ची स्थापना झाली. मंडळाचा पहिला उपक्रम म्हणून ‘वसंत व्याख्यानमाला’ आयोजित करण्याचे ठरविले. मंडळाची स्थापना झाल्यानंतर मंडळाला स्वतःची जागा मिळावी यासाठी इंजिनीयर नानासाहेब मोडक, काकासाहेब गाडगीळ, डॉ.राऊत आणि इतरांनी प्रयत्न केले आणि आज ज्या जागेत मंडळाची वास्तू उभी आहे ती जागा मंडळाला मिळाली.

अमर हिंद मंडळ, दादर
आयोजित

आरोग्य शिबिर 2026

अमर हिंद मंडळातर्फे रविवार दि. २९ मार्च २०२६ रोजी मंडळाच्या तहहयात सभासद यांच्यासाठी विनामूल्य आणि तहहयात सभासद यांच्या कुटुंबातील कोणतीही एक व्यक्ती (पैसे भरून ) (१८ वर्षावरील) रु.1700/- भरून या आरोग्य शिबिरात भाग घेऊ शकतात.शिबिर सकाळी 8 ते 1 या कालावधीत आयोजित करत आहोत. त्यासाठी नोंदणी आवश्यक आहे.

या शिबिरात खाली नमूद केलेल्या चाचण्या केल्या जाणार आहेत. लिपीड प्रोफाइल साठी १२ तासाचे fasting आवश्यक

कॅन्सर ची चाचणी आपल्या मागणीनुसार रहेजा हॉस्पिटल मध्ये जाऊन आपणास करावी लागेल याची नोंद घ्यावी.
पुरुषांसाठी रु. ८७००/- मध्ये उपलब्ध असलेली चाचणी मंडळासाठी सवलतीच्या दरात म्हणजे रु.११९९/- मध्ये केली जाणार आहे. तर महिलांसाठी रु. ९८००/- मध्ये उपलब्ध असलेली चाचणी रु. १७९९/- मध्ये केली जाणार आहे. आपण त्या चाचणी साठी लगणारी रक्कम भरल्यावर आपल्याला मंडळातर्फे एक कार्ड देण्यात येईल.

मात्र कॅन्सर चाचणी सोडून उर्वरित सर्व चाचण्या या विनामूल्य मंडळात केल्या जाणार आहेत. याची नोंद घ्यावी.
सदर चाचण्या एस. एल. रहेजा हॉस्पिटल, माहीम यांच्या तर्फे केल्या जाणार आहेत.
कृपया या चाचण्या करण्याची ज्यांची इच्छा आहे त्यांनी १८ मार्च पर्यन्त हा फॉर्म भरावा. जेणे करून आम्हाला पूर्व तयारी करायला वेळ मिळेल.