स्वातंत्र्यपूर्व काळात देशभर स्वातंत्र्य चळवळींचे वारे जोरदारपणे वाहत होते. फाळणीनंतरच्या जातीय दंग्यांच्या काळात हिंदू-मुसलमानांचा परस्परांवरील विश्वास उडाला होता. अशा असुरक्षिततेच्या वातावरणात दादर विभागातील काही तरुणांनी एकत्र येऊन दादर नागरिक दलाची स्थापना केली आणि गस्त, पहारे सुरू केले. यातूनच हुतूतू प्रेमी राजा शेट्ये आणि नारायण पडते यांची व प्रकाशभाईंची ओळख झाली. गस्त आणि पहा-यांच्या निमित्ताने हुतूतूचे सामने भरवण्यापासून सुरू झालेल्या कार्यातून मग चर्चासत्रे व व्याख्यानमाला आयोजित करण्याची कल्पना पुढे आली. या अनुषंगाने बॉम्बे टाईपरायटींग इन्स्टिट्यूटमध्ये सर्व उत्साही कार्यकर्त्यांची सभा झाली. प्रकाशभाई मोहाडीकरांनी ‘अमर हिंद मंडळा’ची घटना, नियम यांचा आराखडा आपल्या सहका-यांसमोर मांडला. तो एकमताने मंजूर झाला आणि  २६ जानेवारी १९४७ रोजी ‘अमर हिंद मंडळा’ची स्थापना झाली. मंडळाचा पहिला उपक्रम म्हणून ‘वसंत व्याख्यानमाला’ आयोजित करण्याचे ठरविले. मंडळाची स्थापना झाल्यानंतर मंडळाला स्वतःची जागा मिळावी यासाठी इंजिनीयर नानासाहेब मोडक, काकासाहेब गाडगीळ, डॉ.राऊत आणि इतरांनी प्रयत्न केले आणि आज ज्या जागेत मंडळाची वास्तू उभी आहे ती जागा मंडळाला मिळाली.

अमर हिंद मंडळ, दादर आयोजित
कै. आबा पडते राज्यस्तरीय मराठी एकांकिका स्पर्धा २०२५

• सहभाग घेण्यासाठी अंतिम तारीख – १८ ऑक्टोबर २०२६
• प्राथमिक फेरीचे सादरीकरण शनिवार दि. ३१ ऑक्टोबर ते मंगळवार दि.३ नोव्हेंबर २०२६ रोजी सकाळी ९.०० वाजल्यापासून तालीम स्वरुपात अमर हिंद मंडळ, अमरवाडी, गोखले मार्ग (उत्तर), पोर्तुगीज चर्च जवळ, दादर(प), मुंबई ४०००२८ येथे होईल.
• या स्पर्धेत भाग घेण्यासाठी शुल्क रु. १०००/- आहे.
• एका संस्थेकडून एकच प्रवेशिका दाखल करता येईल.
• प्रवेश अर्ज प्रत्येकाने ऑनलाइन स्वरूपात मंडळाच्या वेबसाइट वर दिलेल्या लिंक वर क्लिक करून भरायचे आहेत.
• अमर हिंद मंडळाची वेबसाईट – www.amarhindmandal.com
• प्रवेश अर्ज लिंक – https://forms.gle/QjXw6dWpf4E1vFjYA
• स्पर्धेसंबंधी अधिक माहितीसाठी ८४१९९०१०८२/८३ या कार्यालयीन मोबाईल नंबरवर संपर्क करावा किंवा रोहन चव्हाण – समन्वयक (८७७९४९३३६४) याच्याशी संपर्क करावा.