अमर ऊर्जा पुरस्कार २०२५
अमर हिंद मंडळ, दादर या संस्थेतर्फे देण्यात येणाऱ्या ‘अमर ऊर्जा पुरस्कार २०२५’ साठी संपूर्ण महाराष्ट्रातून आलेल्या ९२ अर्जांमधून खालील ५ संस्थांची ‘अमर ऊर्जा पुरस्कार २०२५’ साठी निवड करण्यात आली आहे. अमर ऊर्जा पुरस्काराचे हे पाचवे वर्ष असून एक लाख रुपये रोख , सन्मानचिन्ह आणि मानपत्र असे या पुरस्काराचे स्वरूप आहे. सदर पुरस्काराचे वितरण मंडळाच्या सभागृहात शनिवार दि. १८ एप्रिल २०२६ रोजी संध्याकाळी ठीक ६.०० वाजता संमारभ पूर्वक होणार आहे. या कार्यक्रमास कोकुयो कॅम्लिन चे उपाध्यक्ष आणि कार्यकारी संचालक मा. श्री. श्रीराम दांडेकर हे प्रमुख अतिथि म्हणून उपस्थित राहणार आहेत.
पुरस्कार प्राप्त संस्था पुढीलप्रमाणे.
| अ.क्र | संस्थेचे नाव | कार्यक्षेत्र | जिल्हा |
| १ | आस्था फाउंडेशन | समाजसेवा | छत्रपती संभाजीनगर |
| २ | केशवस्मृती प्रतिष्ठान | समाजसेवा | जळगाव |
| ३ | सहारा ग्रामविकास बहुउद्देशीय संस्था | समाजसेवा | अमरावती |
| ४ | क्कालिटी एजुकेशन सपोर्ट ट्रस्ट (क्केस्ट) | शैक्षणिक | सोनाळे,ता: वाडा जि. पालघर |
| ५ | वात्सल्य सामाजिक संस्था | समाजसेवा | धाराशिव |
मंडळाच्या संपूर्ण कार्यकारी समितीतर्फे विजेत्या संस्थांचे अभिनंदन आणि सर्व सहभागी संस्थांचे आभार.
अमर ऊर्जा पुरस्कार २०२४ – वर्ष ३ रे
दिनांक ३ मार्च २०२४ रोजी सायंकाळी ६.३० वाजता, अमर हिंद मंडळाच्या प्रांगणात अमर ऊर्जा पुरस्कार प्रदान समारंभ आयोजित केला होता. रोख रु.१०००००/- , सन्मानचिन्ह आणि मानपत्र असे या पुरस्काराचे स्वरूप होते. या पुरस्कारासाठी या वर्षी एकूण ७५ संस्थांनी अर्ज केले होते. या पुरस्काराच्या निवडीसाठी अर्ज केलेल्या ७५ संस्थांमधून ८ संस्था निवडून, ६ संस्थाना प्रत्यक्ष भेटी दिल्या व २ संस्थांची दूरस्थ पद्धतीने मुलाखत घेऊन त्यातल्या ४ संस्थाची पुरस्कारासाठी निवड केली. त्या संस्था पुढीलप्रमाणे.
१) आई डे केअर संस्था,पेण
२) आरंभ सोसायटी फॉर ऑटीझम आणि स्लो लर्नर चिल्ड्रेन, छत्रपती संभाजी नगर
३) जीवन संवर्धन फाउंडेशन, कल्याण
४) आदिवाशी पारधी समाज विकास संस्था,राशीन
मुंबई महानगर पालिकेचे सह आयुक्त श्री. चंद्रशेखर चोरे व पद्मश्री पुरस्कार विजेते श्री. उदय देशपांडे यांच्या प्रमुख उपस्थितीत आणि कार्यकारिणीच्या सह्भागामध्ये हा दिमाखदार समारंभ संपन्न झाला.
अमर ऊर्जा पुरस्कार २०२२
अमर ऊर्जा पुरस्कार २०२२ वर्ष २ रे ह्याची माहिती रु. ५००००/- रोख, स्मृतिचिन्ह आणि मानपत्र असे स्वरूप होते.
हा कार्यक्रम २० ऑगस्ट २०२२ साली रवींद्र नाट्य मंदिर येथे झाला.
विजेत्या संस्था – १. अहिल्या मंडळ, पेण २. आदिवासी सहज शिक्षण परिवार, पालघर ३. समाजबंध पुणे ४. हेल्पींग हँड, कल्याण
छायाचित्रे
अमर ऊर्जा पुरस्कार २०१९
अमर हिंद मंडळ, दादर या संस्थेच्या स्थापनादिनी म्हणजेच २६ जानेवारीला महाराष्ट्रातील सामाजिक कार्य करणाऱ्या निवडक संस्थांचा सन्मान करण्यात आला.
मानपत्र, स्मृतिचिंन्ह आणि रु. १,००,०००/- (रु.एक लाख फक्त) आर्थिक मदत असे या सत्काराचे स्वरूप असेल. या उपक्रमाचे २०१९ हे पहिलेच वर्ष आसून सन्माननीय सर्वश्री दीपक करंजीकर(लेखक, अभिनेते,) सायली पेडणेकर(शिक्षण तज्ञ), दिनकर रायकर(संपादक लोकमत ), नेहा खरे (आकाशवाणी कार्यक्रम अधिकारी) व संजय कृष्णाजी पाटिल(लेखक, माजी संचालक सांस्कृतिक कार्य संचालनालय व उपायुक्त महाराष्ट्र सेल्सटॅक्स)यांच्या समितीने पुरस्कारासाठी खालील संस्थांची निवड केली गेली आहे.
“निर्धार प्रतिष्ठान” विरार ( मतिमंद मुलांचे कायम निवासी केंद्र)
सावित्रीबाई फुले महिला एकात्म समाजमंडळ, औरंगाबाद, (दुर्गम परिसरातील गरजूंसाठी आरोग्य,शैक्षणिक सुविधा, महिलांसाठी कौशल्य निर्माण सोयी व मदत)
स्नेहग्राम विद्यालय, बार्शी, सोलापूर (अनाथ मुले,कैद्यांची मुले,एकल पालकत्व आदींचे पालन पोषण)
शबरी सेवा समिती, डोंबिवली(ग्रामीण भागातील आरोग्यसेवा, शैक्षणिक उपक्रम,कृषिविकास व स्वावलंबन, महिला सक्षमीकरण यावर भर).
छायाचित्रे
